咖啡豆要點炒先好飲呀？

好多人問我：炒咖啡豆最難係咩？其實最難嘅唔係火候，係「手選」。

估下係圖一入邊揀出圖二嘅瑕疵豆要幾耐時間😂😂😂

大家平時見到烘豆好似好型咁，其實背後最費精力嘅，係啲大家睇唔到嘅「功夫」。
每一批豆入火之前，都要做第一次生豆手選，將啲發霉、蟲蛀嘅壞豆逐粒抽返出嚟。如果唔係，一粒壞豆就足以整壞成鑊豆嘅乾淨度。
你以為烘完就完？未呀！烘完之後仲要進行第二次熟豆手選。因為有啲瑕疵要烘完先會現形。前後兩次「海選」，真係揀到眼都花埋。
點解要咁執著？因為一兩粒瑕疵豆會影響咗成杯咖啡嘅香味，我對唔住自己，更對唔住專程買我啲咖啡豆嘅你哋。
細節決定風味，呢兩次手選，係我對品質嘅底線。☕️
#nokbay #精品咖啡 #香港自家烘焙 #手選豆 #炒豆日常 #香港咖啡豆 #執著係一種態度